Breve descrición do formato e contido da obra: Álbum ilustrado de borde irregular, con tapas e follas brandas e tamaño mediano. Na cuberta, ademais do título do conto, podemos ver a garabanciño camiñando polo monte coa comida que lle leva a seu pai mentres pasa por diante dun boi.
En cambio, na contracuberta, é garabanciño o que observa dende atrás ao animal.
O interior está conformado por ilustracións a páxina completa acompañadas do texto que relata a historia do protagonista, que debe levarlle un cesto cheo de comida a seu pai, pero é tan pequeno, que é devorado por accidente por un boi. Os pais, ao ver que o neno non aparecía saíron a buscalo e sentiron a súa voceciña dentro da barriga do animal polo que decidiron fartar ao boi ata que expulsou a Garabanciño.
Por outra banda, tamén poderemos preguntarlle aos cativos e cativas se se senten identificados co protagonista, xa que elas e eles tamén son pequenos, e cales son as ventaxas e inconvenientes de selo.
Ningún comentario:
Publicar un comentario