MIS PUZZLES PARA SUMAR

MIS PUZZLES PARA SUMAR

Editorial: Servilibro

(ISBN: 978-84-7971-616-5)

Breve descrición do formato e contido da obra: Este libro presenta dúas cubertas, unha por atrás e outra por adiante, as cales son de cartón duro, cunha capa de plástico acolchado. Esta característica soamente a teñen as cubertas do conto, xa que o interior deste está formado por páxinas de cartón duras.

Na cuberta principal, aparece unha imaxe que ao mesmo tempo é un puzzle dun dos animais que aparecen no conto. Por riba desta imaxe, aparece o titulo do libro, destacando a palabra clave, e o obxectivo que se pretende conseguir, en maiúsculas.

Na parte inferior desta cuberta, aparece a editorial do libro, o cal está un pouco por encima da imaxe que ocupa case a totalidade da folla.

En canto as páxinas do libro, todas conteñen imaxes con un certo numero de animais. Nas páxinas situadas á esquerda, sempre aparecen preguntas, ao lado duns debuxos que lles axudan aos máis pequenos a respondelas, ou debuxos dun certo numero de cousas ou persoas para que eles conten cantas hai. O texto e bastante breve, nas páxinas que aparecen as preguntas, atopase ao lado dereito da páxina, mentres que nas follas nas cales lles tocan ao nenos contar cantos animais ou paiasos hai, o texto atopase no centro da páxina.

Cando facemos referencia as páxinas dereitas que forman o libro, podemos ver que están composta por unha imaxe, que a mesma vez é un puzzle que os nenos e nenas poden facer e desfacer cantas veces queiran. Isto axúdalle a que o traballo sexa máis dinámico e entretido.

Este puzzle está formado por 6 pezas, para que os nenos non se aburran de colocalas e póidano facer de unha maneira sinxela e divertida.

Podemos facer fincapé nas cores do fondo das páxinas, todos son de unha cor diferente á imaxe que está representada. Cada páxina ten unha cor diferente. 

Potencialidades: Con este libro, os nenos e nenas poderán aprender a sumar e a contar cantos animais están representados en cada unha das páxinas.

Ademais que para que esta actividade lles resulte máis dinámica e entretida, nunha  de cada dobre páxina que ten o libro aparece unha imaxe, a cal é un puzzle que os máis pequenos poden facer e desfacer cantas veces queiran.

Aparte de aprender novos coñecementos e contidos, os nenos e nenas tamén poderán desarrollar máis a súa axilidade mental, xa que poderán contar cantos animais hai no menor tempo posible que den.  

Paréceme que é un libro bastante interesante para traballar con eles, xa que ao ter xogos, como son os puzzles, os nenos non perderán tanto a atención coma se fose unha clase teórica facendo sumas no propio encerado da clase.