Adivina cuánto te quiero

MC BRATNEY, Sam (2017). Adivina cuánto te quiero. Ilustr. Anita Jeram, trad. Esther Rubio. Madrid: Kókinos, 32 pp. (ISBN: 978-84-8342-06-5)

Descrición do formato e o contido: álbum ilustrado cunha cuberta dura e resistente e dimensión de 25x22. A súa cuberta amosa os personaxes deste álbum ilustrado no centro entre o título do mesmo. Na primeira folla aparecen os datos correspondente á ficha bibliográfica do libro; a seguinte corresponde coa portada na que aparece o título da obra en cor gris cunha tipografía de tamaño axeitado para o potencial destinatario da obra enriba dos personaxes da historia. Por último, na contracuberta, en poucas liñas, exprésase a esencia da obra e do amor en si xunto cunha ilustración das protagonistas.

Ao longo das páxinas pódese observar un fondo branco sobre o que resaltan as ilustración, sinxelas e de cores pasteis. En todas as páxinas aparecen as dúas protagonistas da historia e un paisaxe con árbores, prado e ceo. Son imaxes reais que nos axudan a interpretar e entender o que ocorre ao longo da historia. A tipografía  utilizada é sinxela, de cor negra e dun tamaño axeitado. Adóitase ver en todas as páxinas do libro en distintas disposicións. A linguaxe é clara e comprensible para a infancia.

Dende o punto de vista do contido nárrase a historia dunha lebre mamá e a súa filla na cal ámbalas dúas “compiten” en demostrar quen quere máis a quen. Un narrador externo conta a historia, a lebre pequena cor de abelá estira os seus brazos, brinca, álzase na punta dos pés… pero a lebre grande cor de abelá polo seu maior tamaño sempre parece demostrar máis amor. A lebre pequena pensou que nada podía estar máis lonxe que a lúa e quedou durmida. A historia remata coa lebre pequena durmida, mentres a súa nai lle di que a quere ata a lúa e volta.

Potencialidades: coa lectura desta obra pódense abordar distintos aspectos, coma unha reflexión sobre o amor e a súa imposibilidade de medilo, a expresión dos sentimentos e emocións e tamén coñecementos relacionados coas medidas e lonxitudes. Este álbum ilustrado aporta diversas opcións de traballo cos máis pequenos e pequenas: pódese traballar a expresión das súas emocións mediante diversos xogos, unha caixa chea de palabras relacionadas co afecto pode ser o punto de partida para comezar a expresarse. Tamén se pode aproveitar para traballar conceptos relacionados coas medidas mediante diferentes actividades de lóxica matemática ou incluso psicomotricidade.

Recursos:

Beatriz, M (2016) Adivina cuanto te quiero-Sam Mc Bratney- cuentos infantil [Arquivo  de vídeo].Recuperado de https://www.youtube.com/watch?v=M9yLpuvdHc8

Elisa L. y Santiago Y (2004) Guía de lectura [Mensaxe nun blog]. El valor de un cuento. Recuperado de  http://blog.uclm.es/cepli/files/2016/07/Fad_Adivina.pdf

Luís, E (2013). Adivina cuánto te quiero en español [Arquivo de vídeo]. Recuperado de  https://www.youtube.com/watch?v=5q9gLH6u9f4. Neste video pódese escoitar e ver o conto de forma animada.

Tulabooks (2016) Adivina cuanto te quiero. Ficha de lectura y actividades [Mensaxe nun blog] Cuentos para crecer. Recuperado de https://cuentosparacrecer.org/blog/adivina-cuanto-te-quiero-ficha-lectura-y-actividades/