El peor cumpleaños de mi vida

Chaud, B. (2016). El peor cumpleaños de mi vida. Trad. Esther Rubio. Madrid: Kókinos [36 pp.]. (ISBN: 978-84-16126-67-5).

Descrición do formato e do contido: obra de tapa dura cunhas dimensións de 34 x 22 cm. Na cuberta podemos ver un neno triste subido a unha árbore xunto coa súa mascota, que é un coello; na contracuberta aparece o mesmo neno, agora menos triste cun regalo na man e ao lado do seu coello que está sentado nun sofá vermello, encima do cal atopamos unhas bandeirolas. Ambas as imaxes adiantan información sobre a historia do relato. As gardas inciden na temática da cuberta e contracuberta ao se presentaren cheas de bandeirolas de todos os colores. Na portada podemos ver ao neno xa plenamente feliz celebrando algo ao lado do seu coello, ademais do título da obra.

O contido que narra esta historia xira ao redor dun neno que tras sentirse só e avergoñado nunha festa, descobre o que realmente é a amizade. O protagonista vai á festa da súa “noiva” pero dende o momento que entra séntese cada vez máis avergoñado, entón decide saír da festa e subirse a unha árbore. A rapaza vendo como estaba o seu amigo, decidiu saír a onda el e darlle os ánimos que precisaba. Resulta de interese indicar que non se menciona o nome do neno, aínda que si se sabe que a súa “noiva” se chama Julia e o seu coello, Manoplas.

As imaxes do interior da obra son moi narrativas, polo que permiten seguir a historia de modo visual, complementada por un texto moi sinxelo.

Potencialidades: a lectura desta obra permite traballar a amizade e a vergoña, emoción que nalgúns casos pode representar un problema para a socialización dos máis novos.

Tamén se pode reflexionar sobre o consumismo e o valor que se lle dá aos obxectos materiais, fronte a outros valores como os afectivos. 

Nesta obra tamén se abordan outras cuestións como a autoaceptación, a asunción dos erros e a busca da felicidade.

UNHA FESTA NO BOSQUE

López Martínez, Cruz ,(2000), Unha festa no bosque , Ilust. Nayasha S. Rosenberg, Cool. Libromóbil, Vigo: Edicións de Cumio S.A. [12 pp.] (ISBM:978-84-8289-080-7).

Breve descrición do formato e contido da obra: É un álbum ilustrado interactivo de formato rectangular que mide 25cm. x 18´5cm. Está encadernado en cartoné coas tapas duras, mentres que as páxinas son de cartón máis brando.

Na cuberta aparece o título en letras amarelas na parte superior e unha ilustracións de todos os animais que asisten ao aniversario do protagonista, mentres que na contracuberta atópase nun fondo de cor verde unha ilustración do libro, títulos publicados pola editorial, o título do libro xunto ca editorial e o ISBN.

As ilustracións están representadas por diferentes animais, como é o caso das ras, o teixugo, os ratos, a gaivota, a serpe, etcétera.  As cores das ilustracións son vivas e os detalles están moi marcados, acordes ca narración da obra.

 

Na parte inferior dos gravados atopase a historia narrada nas páxinas impares do conto, en letra negra; mentres que no resto da páxina atópanse diferentes estampas que se pode atopar nun bosque.  

O contido da obra trata sobre un oso que está de aniversario. Este vai celebrar a súa festa de aniversario e invita ao resto de animais do bosque que asistan ao seu convite. Finalmente todos os animais chegaron a tempo para comer a torta con Oso e axudarlle a soprar as velas. 

Potencialidade: Grazas ao título de Unha festa no bosque podemos dar algunha pista dos transcurso da historia. É unha historia moi breve, atractiva e interactiva. 

O formato facilita o recoñecemento de diferentes tipos de modalidades, dando tamén aos lectores, autonomía para elixir que ademais mostra a dimensión lúdica asociada ao proceso da lectura, texto en relación coas imaxes, entendido como un xogo produtivo e dinámico. 

A potencialidade principal desta obra, é de facernos conscientes do que é ser amigo e amiga. Tamén ensina valores de amizade e valentía para vivir experiencias novas. 

Así mesmo, podemos ensinarlle aos nenos e nenas as festas que máis cércanas e tamén ensinarlle festas doutros países. Incluso, na aula do colexio, pódese tratar os aniversarios dos nenos e nenas.

Por outro lado, con este álbum ilustrado pódese ensinarlle aos nenos e nenas cales son os animais máis característicos que viven no bosque.