Animais da granxa

Baía Edicións (2011), Animais da granxa, ilust. Madeddu. Estelle, A Coruña: Baía Edicións, (de 1 a 3 anos), [8 pp.] (ISBN: 978-84-92630-96-7)

Breve descrición do formato e contido da obra: libro interactivo en galego,  que se caracteriza polo seu volume de formato mediano e cadrado, cantos redondeados e as súas paxinas de cartón e cuberta e contracuberta do mesmo material. Este é un libro no que a ilustración ocupa case a totalidade das súas páxinas, sendo estas moi realistas, pois os animais da granxa que se nos amosan, son como os que atoparíamos na realidade. En canto o texto, é moi breve e ocupa un lugar característico na maioría das páxinas, en concreto nas pares, nel faise uso da rima e garda correlación con cada imaxe, é dicir, con cada animal. Ademais, os sons de cada un dos animais están escritos en maiúsculas e nunha letra maior ao resto do texto.  Tamén, podemos engadir, que en cada páxina impar, atopamos un anaco redondeado cunha textura asociada a cada animal do libro, e a súa vez, nestas mesmas, indícaselle aos nenos que preman, para escoitar os sons, un dos botóns que se atopan a súa dereita, e que xa teñen enriba a súa imaxe correspondente. Polo que igualmente, podemos denominar este libro, como libro xoguete. Por último, cabe destacar, que a cada animal fóiselle adxudicando unha cor, como por exemplo, ao porco, a cor verde; a galiña e o galo, a amarela.

Potencialidades: este libro interactivo a simple vista parece moi sinxelo, pero nel podemos descubrir unha gran variedade de potencialidades. Algunhas das que podemos atopar nunha primeira ollada son que, ademais de coñecer os animais máis característicos da granxa, os máis pequenos desenvolven o sentido do tacto e do oído, a vez que asocian cada animal co seu son e a súa textura. Xunto con todo isto, ao empregar a rima, facilita traballar a memoria e incluso, que os oíntes participen na súa lectura ou recitado, debido o doado que resulta memorizalo. Xa para rematar, tamén poden aprender as cores básicas, coas páxinas coloreadas sobre as que aparece cada animal. En resumidas contas, tratase dun libro co que a nenez ademais de aprender, divírtese e xoga. 

Libro parlanchín: Dino.

Igloo Books (2012). Libro parlanchín: Dino, Madrid: Susaeta, col. Libro Parlanchín, [10 pp.] (ISBN: 978-84-677-1950-5).

Breve descrición do formato e do contido: Estamos ante un divertido libro ilustrado bastante grande en comparación cos anteriores, de formato cadrado e cos cantos redondeados. Está encadernado en cartón duro e as páxinas tamén son duras e grosas. No centro do libro encontramos unha marioneta que está ao longo de todas as páxinas, xa que atravesa todo o libro dende a contraportada ata a portada; esta é a boca do personaxe da historia, o dinosauro Duncan e complétase co corpo de Duncan en todas as páxinas a través das diversa ilustracións.

En canto á cuberta, como xa dixen, aparece a boca de Duncan en formato real xunto o seu corpo, e na contracuberta encontramos unha breve descrición da historia e outro libro desta mesma colección ademais do ISBN e outros datos de interese. O volume conta con 10 páxinas onde as ilustracións son a toda páxina. Ao largo destas vemos ao protagonista na súa aventura acompañado dos seus amigos e familiares, numerosos animais de diversas clases.

            A historia que nos transmite é a vida dun pequeno dinosauro traveso ao cal lle encantaba comer e non lle fai caso a súa nai e sempre colle grandes empachos.

Potencialidades: É un libro que está pensado para que os máis pequerrechos e pequerrechas participen na historia dunha forma divertida e podelos enganchar á lectura.  A pesar de ser curto e sinxelo a través del podemos traballar co alumando diversos aspectos e sacar moito proveito del.

            A través do conto podemos traballar o esquema corporal, xa que utiliza frases como “Estiró bien los brazos y, abrindo bien la boca,...”, tamén, nos pode servir para fomentar a psicomotricidade se interactuamos no medio da historia con eles mandándolle que fagan o mesmo que fai Ducan.

Por outra parte, se lle deixamos aos nenos e nenas que sexan os que manexan a marioneta, estamos exercitando a súa motricidade e imaxinación de como poder facelo a partir das indicacións que da o libro.

Tamén exercitamos os sentidos dos nenos debido a que fala de aromas e de gustos, así como os nomes de animais que aparecen ao longo da historia. Por último, creo que ademais podemos sacar unha reflexión cos máis pequenos sobre que sempre lle debemos facer caso a nosas nais cando nos digan algo ou nos dean un consello e a non querer máis do que podemos ter, aprendendo así valores como a obediencia e a non ser avariciosos.

¿JUGAMOS?

Tullet, Hervé (2015), ¿Jugamos?, ilust. do autor, trad. Esther Rubio, Madrid: Kókinos, [64 pp.] (ISBN: 978-84-16126-48-4).

Breve descrición do formato e contido da obra: Estamos ante unha publicación recente, a terceira dunha serie de libros moi interactivos deste autor francés.

En canto ao formato vemos que é un libro cadrado de 22 x 22 cm o cal, na súa cuberta, contén o nome do autor, da editorial e o título dentro dun círculo de puntos de cores; na contracuberta, déixanos cunha intriga (debido a isto podemos dicir que esta se complementa coa historia do libro), estas dúas son de cartón duro, diferente ao interior, xa que as páxinas son de papel vernizado, dándolle así brillo a cada unha delas. Falando da estética, tamén podemos dicir que a portada e a contraportada teñen o mesmo estampado, só cambiado o tamaño e volvendo a facer referencia ao que acontece no interior.

Respecto ao contido, o autor non conta unha historia, tal e como o seu título indica, trata de que o lector xogue, de introducilo na historia, de facelo cómplice dela axudando ao protagonista a moverse, a pasar as páxinas, a saltar, a facelo desaparecer,...por iso nos fala directamente. Estanos facendo unha invitación a cal os nenos non dirán que no. 

As imaxes son a toda páxina, son moi simples pero concretas; a maioría das veces só aparece unha liña fina e recta negra cun círculo amarelo, outras aparece a páxina chea de círculos de cores, ou toda en negro,...as imaxes van cambiando segundo transcorren as páxinas. Nestas o texto aparece maioritariamente na parte inferior da páxina nun tamaño normal e sempre en maiúsculas.

Potencialidades: A través deste libro podemos traballar numerosas cuestión, como xa citei anteriormente trata de xogar co protagonista, o círculo amarelo. Pouco a pouco a aventura comezará a animarse ata que aparezan máis círculos de distintas cores e sexa cada vez máis divertida e misteriosa, voltas como unha noria, loops, obstáculos, escaleiras e incluso semáforos e túneles.

Mediante este xogo os nenos e nenas poden potenciar o seu coñecemento sobre a dereita - esquerda, arriba – abaixo, sobre as cores, poderán xogar ás agachadas, a apertar, a das golpes, a distinguir cando hai que para e cando se pode pasas ante un semáforo e tamén a contar, xa que nunha das páxinas mándanos contar ata 10, numerosos entretementos, que a simple vista non parece que poida ofrecer tanto esta obra, pero unha vez lla presentamos os nenos e nenas dámonos conta da maxia que esconde e o ben que o pasan con ela; ademais fai unha crítica ao escuro, ao que non se deixa ver, ensinándolle aos lectores que aí non se está ben. Esta obra tamén potencia a psicomotricidade dos nenos e nenas, a lectura non visual, e sobre todo a intriga de que pasará na seguinte páxina, esa intriga tan importante para a madurez do neno/a.

É un libro para idades a partir dos 2-3 anos, para lerlles en familia e inicialos no mundo dos libros e enganchalos á lectura dunha forma divertida. O seu código textual a ser en maiúsculas permite que sexa máis fácil de ler e así cando teñan máis autonomía neste ámbito lle resulte máis doado e queiran lelo unha vez tras outro e así pasar un bo rato.

Persoalmente creo que é un libro que podemos utilizar cando queiramos que os nenos ou nenas se esquezan de algo, é un libro que te atrapa e fai que teñas que estar pendente do que facer. É moi interesante e podemos sacar moito proveito, creo deberían pasar por mans de todos os nenos e nenas. 

EL LIBRO SIN DIBUJOS

Novak, B.J (2015), El libro sin dibujos, Trad. David Nel lo, Madrid: Timun Mas Infantil, col. Cuentos para regalar, (3 a 6 años), [48 pp] ( ISBN: 978-8408145462).

Breve descrición do formato e contido da obra: volume de formato case cadrado e cuberta dura. Preséntasenos cunha gran sinxeleza, amosando, xa dende o comezo, a intención do autor de deixar claro que se trata dunha obra na que non imos achar ningún tipo de ilustración, dando unha aparencia inicial de atoparnos ante unha obra moi aburrida e sen graza algunha .   

No seu interior, palabras e onomatopeas, en distintos formatos, tamaños e cores, espállanse polas súas páxinas, nun fondo branco que constitúe un continuo ao longo de todo a obra.    

Este libro, semella un libro moi serio, pero  na realidade é todo o contrario. O seu autor, B.J Novak, revolucionou o eido da literatura infantil ó apostar por un  formato sen ilustracións para nenos en plena era da imaxe. 

Estamos ante unha obra que é un exemplo de creatividade e imaxinación, e que a pesares do feito de non contar no seu interior con ilustracións, non perde o seu atractivo para os primeiros lectores que se acheguen a ela, que nos pedirán que llo leamos unha e outra vez.

Efectivamente, estamos ante un libro sen imaxes, sen unha sola ilustración." Puede parecer un rollo que alguien te lea un libro sin dibujos".

Pero ao longo das súas páxinas comprobaremos que nada máis lonxe da realidade. O lector ten que participar do xogo que o seu autor lle propón: veráse obrigado a ler todo o que esté escrito nel. Sexa o que sexa. Da igual que sexa un disparate, ou algo que lle de vergoña ler, ou que sexan verbas sen sentido, absurdas. Mesmo ás veces terá que cantar!!      

No libro, as palabras xogan co lector e fanno rir a gargalladas, convidándoo a pasar de páxina na procura de novas pistas que deberá ler en voz alta, para que acadar o que o autor persegue, que non é outra cousa que divertir. É polo tanto un libro para compartir, ata se pode ler entre varias persoas -por quendas-, para rir entre todos. 

Potencialidades: Este é un libro que axudará o lector a perder a vergoña, e para os mais cativos será un incentivo para perder tamén o medo ós libros con poucos debuxos: un libro que só ten texto pode ser igual -ou máis divertido- cun albúm ilustrado.

Sen unha boa lectura en voz alta e xesticulando, a obra non divirte tanto. E se non se comparte, tampouco se desfruta do mesmo xeito, polo que é unha proposta ideal para compartir entre pais e fillos, narradores e espectadores.

Este libro sorprende pola sua sinxeleza e inxenio. Provoca a risa cada vez que o abrimos e crea unha experiencia agradable e moi divertida para compartir. Serve para introducir ós máis pequenos a idea de que a escrita pode resultar unha fonte inesgotábel de trasnadas e ledicia.

A maioría dos libros infantís, se non todos, están cheos de debuxos que atrapan a atención dos máis cativos, polo que a miúdo pensamos que sen ilustracións os nenos non terán interese no texto. Este libro demostra que non precisa ilustracións para encantarlle ós nenos. O poder da palabra é suficiente

Este libro obriga ó lector a facer parvadas, dicir calquera boubaría, facer ruidos ou cantar unha letra que semella só significar estupideces. A súa lectura obriga a afrontala de xeito actoral, poñendo caras raras, voces, facendo espaventos, suplicando ós nenos que os fagan parar, buscando a súa interacción, para que non lles fagan volver ler ese conto. En definitiva todo o que permita ó lector engancharse á historia e gozar do pracer que supón a lectura dun libro.

Non é, polo tanto, un libro para ler con voz calma e luz tenue xusto antes de ir durmir. É un libro para ler ás voces, rindo, ben espertos, e se é a varios nenos á vez, aínda mellor. O lector deberá facer un exercicio de deshinibición  ante os nenos, facendo que a súa lectura sexa todo un espectáculo teatral.

Estamos ante un libro para ler cos nenos, para animalos a ler en público, para voltar a ser nenos, facer o parvo, divertirnos, rir a cachón; en definitiva pasalo moi ben ( mellor que non sexa antes de durmir).  

Aínda que é unha lectura xenial para facer en familia, tamén é unha boa oportunidade para que os nenos lean por sí sós, xa que moitas das palabras que aquí aparecen están escritas en maiúscula e en gran tamaño. Ademáis de seguro atoparán moi divertido o significado absurdo de moitas delas.

Este aloucado libro será un gran aliado para solucionar co seu humor conflitos que poidan xurdir nalgún intre. Calquera anoxo, ficará esquecido perante a súa lectura.

 

Un escondite en el cuarto de los Juguetes

Davis,  Emma  (2001),  Un escondite en el cuarto de los juguetes,  ilust.  de la autora,  trad.  Estrella Borrego del Castillo,  Barcelona: Ediciones  Beascoa, col. Busca y toca (de 3 a 4 años), [12 pp.]  (ISBN: 84-488-1147-X).

Breve descripción del formato y el contenido de la obra: el presente volumen  es un libro interactivo e ilustrado que despertará la curiosidad de los más pequeños, invitándolos a abrir lo que se encuentra debajo de las solapas donde se esconden atractivos juguetes rellenos de algodón. Los lectores podrán tocar cada uno de los juguetes escondidos y a su vez nombrarlos visualizando la palabra.  El libro que se presenta es de formato cuadrado y de gran tamaño, conformado por cubiertas y páginas de cartón grueso. Presenta un breve texto en las páginas impares que mantiene la misma estructura en todas ellas, mediante la pista que proporcionan las rimas, que darán lugar al juguete con textura de algodón que se esconde debajo de las solapas.

Potencialidades: Como bien se indica en el título “Busca y toca” se trata de un libro interactivo. Con la lectura de este libro podemos iniciar a los niños de infantil introduciéndoles en el mundo de la poesía a través de unos versos, los cuales llamarán la atención de una manera muy activa a través de la rima. Es un libro muy atractivo visualmente, en el que la autora crea una divertida complicidad con los lectores de una forma sorprendente. Tras las solapas se encontrarán los juguetes rellenos de algodón, dándoles la oportunidad de reconocer, nombrar y tocar cada uno de ellos de una forma sencilla, pero que convierte cada una de sus páginas en un juego lleno de emociones.

Un libro

Tullet, Hervé (2011), Un libro, ilustr. Hervé Tullet, trad. Esther Rubio Muñoz, Kokinos (3 a 6 anos), [64pp.](ISBN: 9788492750368).

Breve descrición do formato e contido da obra: volume de cuberta dura e formato cadrado, de cantos redondeados, as páxinas interiores son dun papel bastante groso. Presenta un breve texto nas páxinas pares, cunha frase que convida o lector a interactuar co libro. Ao abrilo só se ve un círculo amarelo sobre a páxina en branco. Entón, convídase o lector a pulsar ese círculo co dedo e descubrir que ocorre; o que, sen dúbida, supón todo un desafío para a curiosidade de calquera neno/a. Para saber a resposta, simplemente hai que dar a volta á páxina. E así comeza a maxia! Círculos de cores mudan de lugar, acomódanse nunha ringleira ou bailan por toda a páxina, medran e ata están a piques de caer polo canto do libro; todo depende de se o neno/a os freta, axita etc. Así, se sopra moi forte poden ata desaparecer!, convertendo a lectura deste libro nun xogo moi pracenteiro para pais e nenos.

                     

Potencialidades: atopámonos ante unha obra intelixente e moi atractiva visualmente, na que o seu autor a partires duns cantos círculos de cores e un pouco de enxeño crea unha divertida complicidade cos seus lectores de forma sorprendente e divertida. Ademais de poder aproximar ós nenos ao mundo das cores e os números, xa que nalgúns casos deberemos de contar; espertaremos a súa imaxinación, xa que estamos ante un libro que interactúa co pequeno lector dunha forma sinxela, pero cunha simplicidade que converte as súas páxinas nun xogo para voltar a el unha e outra vez, de xeito que cando viras a derradeira páxina xa estás a desexar comezar de novo.

Veo, veo una cosa de color...Azul

Symes, S. (2011). Veo, veo una cosa de color... Azul. ilust. Nick sharratt, trad. Élodie Bourgeois, Barcelona: Juventud, S.A., (de 2 a 6 anos), [32 pp.] (ISBN: 978-84-261-3842-2 ).

Breve descrición do formato e contido da obra: álbum ilustrado con volume de gran formato (25 x 27,5 cm) e cubertas ríxidas. Na dianteira ofrécese un adianto do contido, pois esta segue o mesmo esquema que as páxinas interiores (un neno con buracos nos ollos) acompañado co titulo "Veo,veo una cosa de color... Azul". O interior divídese por cores (azul, verde, gris, marrón e negro). Para introducir cada cor podemos ver no texto das páxinas da esquerda que di “veo, veo una cosa de color…” para logo dar exemplos de obxectos da mesma cor. Pola contra na páxina dereita vese a un neno ou nena sobre un fondo da mesma cor e cos ollos aburatados, que fai que traspasen á páxina seguinte e se vexan da cor correspondente. Unha vez pasamos a páxina onde se presenta a cor podemos ver unha imaxe grande ocupando as dúas paxinas sobre o obxecto a adiviñar. Logo repetirase este mesmo esquema nas páxinas seguintes coas diferentes cores, para finalizar cunha festa de disfraces onde aparecen todos os nenos e nenas que foron aparecendo durante o transcurso do conto.

Potencialidades:

Unha historia cuxo obxectivo principal é a presentación das cores, aínda que de forma paralela se traballe a imaxinación, pois os nenos e nenas poderán dar ideas sobre obxectos das mesmas cores máis ala dos que aparecen no propio conto, así como dicir cores novas e seguir o xogo sen a utilización física do conto.