1,2,3 CONTANDO

VVAA (2014), 1,2,3 Contando. Un libro despregable para barrigolas, ilust. Maxine Davenport e Cindy Roberts, Vigo: Engaiolarte Edicións, (+ 3 meses) [12 pp.] (ISBN 978-84-942388-2-6)

Descrición de formato e contido: volume de pequeno formato (18,5 x 18,5cm), de cantos redondeados e páxinas de cartón duro. É un libro despegable. Mantén a mesma estrutura en todas as súas páxinas: cada páxina está enmarcada por unha cenefa de cuadrículas negras e brancas e ,nas páxinas dos números impares o fondo é de cor branca e o texto de cor negra  e nas páxinas dos números pares é o contrario, o fondo negro e o texto branco; os debuxos son de cores vivas e brillantes.  En cada páxina o número en cifra, ben negro ou branco, está situado na esquina superior esquerda, os debuxos (tantos como a cifra referida na páxina)  repártense polo resto da páxina e na parte inferior está o texto do número e dos debuxos dos obxectos ou animais representados.

Este libro mostra os números dende o  1 ata o 10  representándoos  en cifra e tamén en palabra xunto cos nomes dos obxectos ou animais que se contan nos debuxos:  6, seis pelotas; 7, sete  bolboretas; 8, oito agasallos; 9, nove peixes e 10, dez flores.

Potencialidades: Como se indica na propia contraportada “achega a túa crianza aos números e primeiras palabras con este libro despegable. Co fin de favorecer o desenvolvemento visual do bebé, as imaxes, facilmente recoñecibles e de cores vívidas, axúdano a aprender  xogando”. Este libro está deseñado para o recoñecemento visual dos números relacionándoos cuns obxectos ou animais polo que se facilita aos nenos a aprender a contar.

Adivina cuanto te quiero

Sam McBratney(2014).Adivina cuánto te quiero,ilustr.Anita Jeram,Madrid:Kókinos,(3+), [16pp], (ISBN:978-84-92-7504-43).

   

Breve descrición do formato e do contido da obra:

Trátase dun libro pop-up, ten un formato cadrado de tamaño mediano, puntas ovaladas e tapas duras feitas de cartón. 

Na cuberta, podemos observar o título do libro "Adivina cuanto te quiero", o nome da autora e ilustradora e a imaxe de dúas lebres de cor avelá no medio dun bosque onde a pequena lebre ten os brazos abertos mirando á lebre maior coma se quixéselle dar un abrazo, polo que podemos imaxinar que se trata dun pai ou nai e o seu fillo/a. 

Doutra banda, na contracuberta dános outra pista sobre o libro xa que aparece unha frase que pon: "As veces cando queres moito a alguén intentas describir o tamaño dos teus sentimentos" polo que nos dá a entender que trata sobre o amor que se ten cara a unha persoa moi importante na vida. 

A historia trata sobre una lebre pequena que antes de durmir compite coa lebre grande por demostrar o moito que se queren. A lebre pequena estende os brazos todo o que lle dan de si, álzase no bico dos pés todo o que é capaz, dá saltos tan altos como as súas patas traseiras permítenlle, pero ao final, os brazos, a altura e os saltos da lebre son máis longos e máis altos que os da lebre pequena, e esta sempre chega á mesma conclusión, diciendo "ummm, canto", entón para finalizar dille que a quere ata a lúa xa que lle parece unha medida insuperable de alcanzar e quédase durmida mentres a súa nai rumoréalle ao oído: pois eu quéroche ata a lúa, ida e volta. 

As ilustracións presentan cores claras

e son despegables nas cales os lectores poden observar os movementos de cada acción que realizan os personaxes polo que lles será máis fácil entender a historia.

Potencialidades: 
Adivina cuanto te quiero, é unha invitación para que os nenos/as expresen as súas emocións, compartan os seus sentimentos cos demais e entendan que ás veces o amor que sentimos por outras persoas é dificil de medir como lle pasou á lebre na historia.
Doutra banda, no trascurso do relato aparecen adiviñas, comparacións e acumulación polo que podemos realizar xogos de palabras cos cativos, os cales coñeceran e utilizarán diferentes recursos lingüísticos e literarios.
Cabe destacar, que pareceme un conto axeitado pra hora de durmir, onde as familias poden aproveitar para contarllo antes de que o pequeno se vaia pra cama vivindo un momento íntimo no cal poderán dicirse ambos o moito que se queren como fan os protagonistas da historia.
É importante concienciarnos da importancia que ten que lle leamos contos aos pequenos desde idades temperás á hora de durmir xa que isto aporta grandes beneficios no seu desenvolvemento como por exemplo: potenciar a imaxinación, trasmisión de valores positivos, aprender a escoitar, fomentar a lectura, expresar emocións, aumentar a autoestima, favorecer o vínculo afectivo e comunicativo entre adulto-neno entre outros.
Non nos debémos esquecer que este libro ten imaxes despeglables polo que os nenos/as poden interactuar con él de forma autónoma xa que conta con solapas onde se pode percibir os movemento das accións que van viviendo os personaxes polo que captarán a sua atención e poderán seguir o relato dunha maneira doada e eficaz.