SALVAJE

HUGHES, Emily (2014), Salvaje, trad. Regina López Muñoz, Barcelona- Buenos Aires: Libros del Zorro Rojo, (+ de 5 anos), [ 34 pp. ] (ISBN: 978-987-1948-43-7).

Breve descrición e contido da obra: libro ilustrado en formato rectangular cunhas medidas de 24x28 cm. Presenta cubertas duras de cartón forradas utilizando papel e tea pintada, algo que chama a atención a simple vista. A cuberta dianteira ten unha ilustración en papel na que aparece a protagonista, unha nena co pelo de follas e flores do bosque; na parte superior ven o título “Salvaje”, xa que está en castellano, así como o nome da autora. A contracuberta tamén presenta unha ilustración en papel dunha parte dun bosque e unha frase como moraleja do conto. Ten gardas pintadas con motivos florales e froitos das árbores do bosque, lugar onde transurre a maior parte da historia.
Trata o tema dunha nena que é abandonada nun bosque ao nacer e que se cría cos animais que alí viven. É unha historia que nos pode recordar a outros contos tradicionais coma “O libro da selva” ou “Tarzán”. A nena se relaciona con eles, aprende con eles e é tratada como unha máis durante anos, ata que un día uns humanos a adoptan e a levan a cidade, pero como di a nena salvaxe ¡eles falan mal¡ !eles comen mal ¡eles comen mal!...O final da historia recomendo lelo.

Potencialidades: co libro podemos traballar a familia, o fogar, a educación …conceptos básicos nestas idades. Tamén o que pode estar ben ou estar mal, xa que todo é relativo. A visión que temos da familia, como punto de partida para coñecer o mundo, pode non ser a única forma de educación, xa que a nena aprende nun ambiente distinto, os animais transmitenlle moitos valores e ela é realmente feliz alí. A liberdade de poder elixir o que un quere é algo que debemos inculcar a os nosos alumnos e alumnas e o respeto polas opcións persoais.
"Non se pode domar algo tan felizmente salvaxe".