Chibos Chibóns

González, Olalla (2003), Chibos Chibóns, ilust. Federico Fernández, Pontevedra: Kalandraka, col. Os contos do trasno (+ 2 anos) [32pp] (ISBN: 978-84-8464-617-4). 6° Edición.

Breve descrición do formato e contido da obra: Conto Infantil que podemos clasificar como  álbum ilustrado, adaptado dun conto popular do que non especifican a orixe.

Presenta un formato cadrado, de pouco volume. As tapas son duras e de esquinas redondeadas. Na cuberta aparecen os protagonistas da historia, que neste caso son animais, tres chibos. Xogaron coa chiba do chibo máis grande para por o nome da autora e do ilustrador. Enriba dos chibos mediano e pequeno podemos ver o título do conto. Na contracuberta, aparece o nome da colección á que pertence este conto, os contos do trasno.

Tanto na cuberta, contracuberta e o resto de páxinas predomina a cor azul. Esta cor representa o ceo, xa que o conto comeza presentándonos a tres chibos que vivían no alto dunha montaña. 

Os garda páxinas presentan a mesma cor que predomina no libro, azul, así como uns círculos  de distinto tamaño de cor branca, que poderían representar as nubes, xa que os chibos vivían no alto dunha montaña. Estes círculos semellan que foron pintados con pincel e pintura branca. 

A anteportada mostra datos como o nome da autora, ilustrador, editorial, ISBN, o número de edición etc.  

A portada presenta o título do libro Chibos Chibóns en cor negra, centrado e maiúscula, o debuxo  de tres montañas cun pico pronunciado e en cor verde,herba, cuns trazos redondeados. Tamén aparece o nome da autora e o do ilustrador ao lado das montañas. Na herba aparece o nome da editorial Kalandraka.

As ilustracións presenta imaxes un tanto exaxeradas. para a presentación das personaxes, os chibos atópanse no alto dunha montaña, na que parece que case non collen. En xeral, predominan as formas redondeadas.

As cores son neutras, acompañadas as veces dalgún color que resalta, como pode ser a herba, a area, a cor do ogro etc.

Os textos xogan co tamaño da letra, como por exemplo,  en función do tamaño do chibo, o chibo pequeno, letras pequenas, o chibo mediano, letras medianas e o chibo grande, letras grandes. Os diálogos son repetitivos é facilita a súa memorización. Tamén xoga coa sonoridade.

Os chibos chibóns son tres chibos que vivían no alto montaña. Un día decidiron baixar xa que na outra beira do río medraba unha herba moi apetitosa. Para chegar a ese lugar tiñan que cruzar unha ponte, onde vivía un ogro que a vixiaba día e noite. Ante esta situación, decidiron facer un plan para pasala ponte e enganalo ogro. Finalmente, conseguen o seu propósito e pastar rica herba.

Potencialidades: é unha obra que invita a participación dos máis pequenos a través de rimas. Tamén podemos traballar a seriación (tamaño, números, cores etc.). Outro tema que trata e a astucia e a cooperación. Da a coñecer un novo animal, os chibos, que quizais os nenos non coñezan.