A vendedora de mistos

Hermida Mª Dolores (1999), A vendedora de mistos, ilus: Belén Padrón,Pontevedra: Kalandraka, colec: Os contos do trasno comodín, (+3 anos) [16pp], (ISBN:84-95123-69-X)

BREVE DESCRICIÓN DO FORMATO E DO CONTIDO DA OBRA:

É un álbum ilustrado pola editorial Kalandra.  A cuberta e contracuberta están feitas con cartón e as súas páxinas son de pouco grosor, terminadas en punta.

Na cuberta atópase o título da obra nunhas letras en maiúsculas de cor negra. Na parte superior dereita a colección, Os contos do trasno e a editorial.

Móstrasenos o debuxo dunha nena de cabelos louros, concretamente a protagonista do conto que nas súas mans ten un misto. Grazas ao título podemos saber que o traballo da protagonista da historia é vender mistos pola rúa.

Por outra parte, na contracuberta un fondo no que mezcla unhas cores e unhos puntiños de cor azul e despois algún retángulo de cor lila.

En todas as follas hai un debuxo, algún que fan referencia ao texto que está na páxina do lado ou ben un fondo de diversas cores.

En canto ao tamaño da letra que se nos presenta na historia é o adecuado e a cor desta vai depender do fondo no que se atope, por exemplo, fai uso da cor negra e branca para destacar as letras e comprender con claridade o texto.

Érase unha vez unha mociña que vendía caixas de mistos pola rúa. Na noite de Noiteboa a nena tiña moito frío e ningunha persoa lle compraba nada, andaba vagando sen rumbo dun lado para outro coa esperanza de atopar a alguén que lle comprara mistos pero… o esforzo que fixera fora embano.

Chegado un momento, decidiu acender un dos seus mistos para que lle dera calorciño, este acto fixo en varios momentos da noite, e en cada un deles imaxinábase unha historia diferente.

Desgraciadamente, a nena quedou conxelada pero cunha cara de felicidade dado que, ela tamén vivira as súas ilusión de Noiteboa.

POTENCIALIDADES:

Unha das  potencialidade que lle atopei a este conto tradicional é que lles temos que ensinar aos nenos/as que teñen que ser boas persoas e axudarlle a aquelas outras que non contan cos medios suficientes para poder sobrevivir.

A través desta historia os nenos e nenas entenderán que é necesario axudarlle as demáis persoas para que non ocurra o mesmo que lle sucedeu á protagonista da historia.

Tamén lles ensinaremos o tema da morte, xa que a esta nena non lle brindaron a axuda que ela precisaba para sobrevivir, morrendo así, na rúa e conxelada polo frío que pasou, dado que carecía dunha vivenda.

Moitas persoas prefieren evadir o tema da morta á hora de falar cos nenos e nenas xa que pensan que lles van propiciar moita dor, pero este pode ser tratado a través desta historia, por exemplo, donde se lles explica por qué morreu a nena e cal foi a causa, e concienzalos de que lle pode pasar a calquera das persoas que os rodean.