Nacido del corazón

        

Serrano, Berta (2015). Nacido del corazón, ilust. Alfonso Serrano, trad. Esther Rubio. Madrid: Kókinos, [44 pp.]. (ISBN: 978-84-16126-10-1).

Descrición formato: álbum ilustrado con texto de Berta Serrano, ilustracións de Alfonso Serrano e tradución de Esther Rubio. Presenta capa dura e na cuberta aparece unha muller sobre un fondo laranxa, da que semella saír un corazón, o ceo, dous paxariños pequenos e unha bolboreta. Na contracuberta vese unha imaxe moi similar á cuberta, pero agora a muller está subida ao lombo dun home e sobre ela a silueta dun bebé. Xa no interior, as ilustracións son moi orixinais e divertidas, de colores brillantes, que dan expresividade á historia desta nai e a este pai durante todo o seu embarazo do corazón. É un libro recomendado para nenos/as de entre 5-9 anos.

Descrición do contido: hai rapaces/as que nacen no corazón da súa nai. Son aqueles desexados e esperados durante tanto tempo, aos que moitas veces hai que ir a buscar cruzando nubes e sendas, como fixeron Rosa e Carlos neste conto. Nenos/as que, en realidade, terán que adoptar aos pais que os adopten. Son fillos/as que se fan con amor, entusiasmo e paciencia. Unha historia para explicarlle xustamente a súa historia ao fillo adoptado.

Potencialidades: a lectura desta obra permítenos traballar cos nenos e nenas a temática da educación emocional e as relacións afectivas, neste caso centrándonos nuns pais que adoptan a un fillo. Con isto os rapaces/as aprenderán a crecer na diversidade, comprendendo que hai diferentes orixes e distintas clases de familias. É un libro para desdramatizar a adopción e sinalar que o único verdadeiramente importante é concibir co corazón e dar a luz con amor.

Recursos:

Serrano, B. (s. f.). Nacido del corazón. Recuperado 1 de mayo de 2020, de https://www.rayuelainfancia.com/album-ilustrado/469-nacido-del-corazon.html (consultado 12/05/2020)

Serrano, B. (s. f.-b). Nacido del corazón. Recuperado 1 de mayo de 2020, de https://www.infantilandia.es/albumes-ilustrados-infantiles/554-nacido-del-corazon.html (consultado 12/05/2020)