Mariscal, E.(2002). Pepo va al colegio. Ilust. Avi. Madrid: Editorial Santillana. [16pp.]. (ISBN 84-294-7333-5).
Breve descrición do formato e contido da obra: álbum ilustrado que presenta na cuberta o
debuxo dun coello cunha mochila ás costas con cores verdes e laranxas, o que
permite intuír que vai a algún lugar, xunto co título da obra e o nome da
editorial. Na contracuberta aparece o mesmo que na cuberta, pero o coello agora
semella máis lonxe. Na portada recóllense os mesmos elementos que na cuberta e
contracuberta. O argumento do libro conta a historia dunha parella de amigos
que son unha nena e un coello que van sempre xuntos á escola e un día axudan a
un burro que estaba enredado cunha corda coa que estaba amarrado.
Texto e imaxes manteñen unha relación complementaria, contribuíndo á
recreación da historia e esixindo implicación do lectorado para identificar o
que se reflicte na lectura visual, que ocupa a dobre páxina. O estilo das
ilustracións é figurativo e as cores son cálidas, pintadas con acuarelas,
marcadas cun borde negro.
Potencialidades educativas: coa lectura desta obra pódese traballar o compañeirismo, xa que é moi
importante transmitirlle aos nenos e nenas que hai que ser bos compañeiros e
compañeiras, ao igual que boas persoas para axudar a alguén se o necesita.
Tamén se poden abordar outras características como humildade e a
xenerosidade.
Ningún comentario:
Publicar un comentario