Ballesteros, X (adapt.). (2000). O traxe novo do rei, ilust. João
Caetano, Pontevedra: Kalandraka, [33 pp.].
(ISBN: 978-84-8464-024-0).
Descrición do formato e contido: álbum ilustrado no que se
recrea unha reescritura do conto clásico popular do mesmo título. De tapa dura
que consta de 33 páxinas cun tamaño de 25x23 centímetros. Na cuberta aparece o
rei con elementos de costura e o castelo de fondo. Ao redor deses elementos de
costura aparecen os nomes do adaptador e do ilustrador. Na contracuberta observamos
diferentes elementos de costura e nas gardas uns traxes con medidas. En canto
ao contido do libro conta con ilustracións orixinais a dobre páxina con cores
moi variadas e de tons apagados. O texto é sinxelo.
A obra trata dun rei que lle
importaba moito a vestimenta, tanto que encargou un traxe que só puideran ver
os que non foran tontos ou indignos do seu posto. Despois o rei foi probar o
traxe, que non existía, cos seus asesores e estes non vían o traxe, pero para
non parecer tontos loaban o aspecto do monarca, tanto eles coma o pobo, ata que
un neno dixo que estaba espido, e todos, incluído o rei, se decataron do engano.
Potencialidades: a lectura desta obra permite tratar
temas como a ignorancia e a inocencia dos nenos e nenas, que están libres dos
prexuízos e convencionalismos que por veces dominan a vida dos adultos. Tamén
pon en valor aspectos como a lealdade e a sinceridade, fronte á avaricia e a
hipocrisía.
Recursos:
-Cruz, M. (18 de marzo de 2013). O traxe novo do rei. Recuperado de: https://www.youtube.com/watch?v=MEgIlCKIREQ (consultado 27/04/2020).
Ningún comentario:
Publicar un comentario