O Monstro do Cepillo de Dentes

Impey, R. (1988). El Monstruo del Cepillo de Dientes. Ilust. Sue Porter, trad. Juan Manuel Ibeas. Madrid, España: Anaya. [19 pp.] (ISBN: 84-7525-490-X).

Breve descrición do formato e contido da obra: trátase dun libro de tapa dura, branco e con cores variadas e coa imaxe do protagonista no centro da portada acompañada do título da obra. Na esquina inferior dereita atópase o nome da escrita a editorial na que se publicou este libro. A historia trata a vida dun neno ao que non lle gusta lavar as mans, nin a cara e moito menos os dentes. Cando o pai lle di que ten que lavar os dentes, o neno asegura que o Monstro do Cepillo de Dentes roubou o cepillo. O neno manifesta o divertido que lle parece que o seu avó teña a súa dentadura gardada nun vaso. Todas as noites tira dos seus propios dentes, pero non lle saen. Entón, o seu avó intenta que o neno lave os dentes e pregúntalle quen lavará os dentes, se o avó ou o neno. Remata rindo e o neno di que será o Monstro do Cepillo de Dentes quen o fará.

Potencialidades: esta obra pode servir para traballar na aula o hábito de lavar os dentes, xa que pode facer que os nenos vexan o acto de lavar os dentes como algo divertido onde a familia pode colaborar. Ademais, pode facer máis amena unha actividade que non soe adoita gustar aos máis pequenos. Mediante este libro poderiamos desenvolver na aula actividades de tipo lúdico para que aprendan cómo cepillar os dentes da forma correcta.