xoves, 16 de febreiro de 2017

Onde está o poliño de Rosalía?

Hutchins, Pat (2015), Onde está o poliño de Rosalía?, trad. Silvia Pérez Tato, Pontevedra: Kalandraka Editora, [15 pp.] (ISBN: 978-84-8464-940-3).


Breve descrición do formato e contido da obra:  Trátase dun libro ilustrado de tapa dura e con forma rectangular (25 x 20 cm). O trazo do debuxo é sinxelo e con cores moi vivas.
Na portada atopámonos cos protagonistas, a galiña Rosalía e o seu poliño, e o lugar onde ocorre a historia, a granxa. A historia desenlvese coa constante busca do poliño por parte de súa nai, a galiña Rosalía. O poliño xogaba pola granxa sen ter conta dos perigos que corría se o cazaba un gato, un enorme peixe ou un raposo, mentres a súa despistada nai o buscaba incesantemente por todos os espazos da granxa. O final do intrigante conto é co paseo de ambos protagonistas, o poliño e a galiña Rosalía.



Potencialidades: Este conto paréceme axeitado para nenos a partir dos dous anos e medio. Pódenos servir para coñecer onde viven as galiñas, a súa alimentación, de onde veñen os ovos, como nacen os polos e as galiñas e aprender vocabulario novo (carretilla, cesto...). Ademais, a partir deste conto podemos traballar outros aspectos sobre as granxas.


Ningún comentario:

Publicar un comentario