domingo, 12 de febreiro de 2017

La pequeña oruga glotona

Carle, Eric (2014), La pequeña oruga glotona, ilust. Eric Carle, trad. Esther Rubio Muñoz, Madrid: Kókinos, (de 2 a 6 anos), [16 pp.] (ISBN: 978-84-88342-33-1).



Breve descrición do formato e contido da obra: álbum ilustrado que se caracteriza polo seu volume de formato mediano e rectangular, de cantos redondeados e tapas e páxinas de cartón, algunha delas furadas. O texto é breve e sinxelo e ocupa un lugar discreto, xa que non pretende quitarlle o protagonismo á ilustración formada por figuras de cores rechamantes e atractivas sobre un fondo branco. Ademais, prodúcese unha correspondencia entre o texto e as imaxes que van avanzando á par. En canto ao contido da obra, falásenos da viaxe que leva a cabo a eiruga protagonista desta historia cara á súa transformación final, é dicir, ata que se converte nunha bolboreta.


Potencialidades: esta obra ten un gran número de potencialidades, pero a principal é mostrar dunha forma moi orixinal o proceso de metamorfose da eiruga, vendo paso a paso o seu ciclo vital. Ademais, trabállanse aspectos como os días da semana, os números, vocabulario sobre as froitas e outros alimentos e conceptos temporais (día e noite), de tamaño (delgado e gordo) e de cantidade (pouco e moito). Tamén axuda a aprender as cores e a adquirir hábitos saudables de alimentación, pois cando a eiruga colle unha enchente de alimentos pouco saudables, éntralle unha forte dor de barriga, facendo ver así aos seus lectores a importancia de comer froitas.

3 comentarios:

  1. Este conto baixo o meu punto de vista pódese empregar con nenos/as a partir dos tres anos e cos que podes chegar a facer diversas actividades: aprender os números, os días da semana, os alimentos, o ciclo das mariposas, etc. Sí é un conto que eu recomendaría xa que eu empregueino cos nenos de 3 anos na escola infantil e gustoulles moito xa que chegamos a facer de manualidade una eiruga xigante con diversos materiais de refugallo e foi algo que lles encantou, ademáis dos diversos contidos que chegaron aprender.

    ResponderEliminar
  2. Este comentario foi eliminado polo autor.

    ResponderEliminar
  3. Todo un clásico! É xenial para empregar na etapa infantil, porque como dís, as posibilidades de traballo a partires del son infinitas: os números, os días da semana, os alimentos, o ciclo das bolboretas... Además, a cantidade de recursos que podemos atopar relacionados ca obra é enorme: multitude de exemplos para realizar actividades plásticas, actividades interactivas, fichas para traballar os números, a secuencia da historia... E a súa versión pop up é unha delicia!!

    ResponderEliminar