Emocionario

Núñez Pereira, Cristina e R. Valcárcel, Rafael (2016). Emocionario,trad. Leandro García Bugarín, Madrid: Palabras aladas.(96 pp. ) (ISBN: 978-84-941513-9-2).

Breve descrición do formato e contido da obra: É un libro de cartoné cos ángulos rectos. Traducido ao galego por Leandro García Burgarín. Na cuberta encontramos o título, o nome dos ilustradores que participaron nesta edición e da editorial. Tamén podemos ver unha figura de cores verdes e rosas co fondo gris, formado por formas xeométricas e con ollos, beizos, un raio, un corazón e una estrela, o que crea curiosidade por saber que contén o volume. Na contracuberta pódese apreciar que as figuras xeométricas forman a cabeza dun elefante coa trompa cara a arriba e tamén destacar que hai debuxado un pétalo de cores que representa as emocións, temática central da obra. Na portada aparece o título e o nome da editoria, seguidos dun breve prólogo sobra a importancia das emocións. O contido do volume son corenta e dúas emocións descritas de modo sinxelo para poder identificalas. É un álbum ilustrado con texto narrativo necesario que complementa as ilustracións, na que se esixe a implicación do lector para identificar as diferentes emocións das que o narrador nos vai falando en cada páxina. A medida que se vai lendo o libro podemos ver que utiliza o encadeamento para enlazar unha emoción coa emoción seguinte. Este álbum conta cun campo semántico adaptado ao lectorado potencial, nenos e nenas, así como os mediadores, necesarios para facilitar a comprensión e a lectura. Nas ilustracións podemos ver que conta con animais e seres da natureza como poden ser árbores, para identificar cada emoción. Ademais nelas utiliza as ceras como material de pintura.

Potencialidades formativas: a lectura desta obra permite que os nenos e nenas teñan coñecemento de cada emoción ademais de saber identificalas e diferencialas. As ilustracións xogan un papel fundamental para facilitarlles aos nenos e nenas un maior coñecemento de si mesmo e de cada unha das emocións que se describe. Esta obra é un excelente recurso como ferramenta de consulta para abordar a educación emocional. 

Recursos educativos:  

Lectura da obra a partir das imaxes, en Haz tuyo el cuento (2018): https://www.youtube.com/watch?v=SuAZBeUtDBc (consultado o 23/4/2020)

Taller sobre as emocións en Palabras Aladas (2014): https://www.youtube.com/watch?time_continue=31&v=ykFE7g4VrTI&feature=emb_logo (consultado o 24/4/2020)