OS SETE CABRITOS
Alonso,
Tareixa (2008). Os
sete cabritos,
ilust. Teresa Lima, Pontevedra: OQO, [40 pp]. (ISBN:
978-84-96788-67-1)
Descrición
do formato e contido:
álbum ilustrado de cartoné, con texto adaptado de Tareixa Alonso e
con ilustracións de Teresa Lima. Na cuberta aparece a imaxe do lobo
suxeitando unha máscara da nai dos cabritos e mirando cara a atrás,
coma se mirase para a casa dos cabritos, que é a imaxe que aparece
na contracuberta. En canto ás gardas, mostran dúas mans, unha
branca e unha negra unidas por un fío e cunhas tesoiras que ben
poden ser as patas do lobo cando pinta unha con fariña para enganar
aos cabritos ou unha pata da mamá cabra e outra do lobo.
Dende
o punto de vista do contido a obra trata sobre sete cabritos irmáns
que viven nunha casiña coa súa nai, sempre tendo coidado co lobo ao
xogar por fóra. Un día a nai ten que saír e mentres está fóra,
advirte ben aos seus fillos de que non lle abran a porta a ninguén.
Cando a nai está bastante lonxe, o lobo vai picarlles na porta, pero
estes danse conta da gravidade na súa voz e non lle abren. O lobo
consegue aclararse a voz con éxito e volve petar na porta, pero esta
vez mándanlle pasar o pé por debaixo da porta e, ao ver que é
negra, os cabritos dinlle que marche. O lobo píntase a pata de
branco e a terceira vez que lles peta na porta, os cabritos caen na
súa trampa e déixano pasar. Ao entrar na casa o lobo comeza a
comelos enteiros, a todos menos ao máis pequeno, porque se escondera
na caixa do reloxo. Cando a verdadeira mamá cabra volve á casa, o
cabrito máis pequeno sae do seu escondedoiro e cóntalle o ocorrido.
Así que os dous collen fío e agulla e buscan ao lobo que estaba
durmindo ao lado do río, ábrenlle a barriga e sacan a todos os
cabritos enteiros e no seu lugar métenlle pedras. O lobo, ao
espertar, foi beber ao río e de tanto que lle pesaba a barriga caeu
nel. Mamá cabra e os seus sete cabritos volveron á casa cantando e
saltando.
O
texto aparece en todas as páxinas nas esquinas, dándolle prioridade
ás ilustracións, que xogan un papel fundamental durante toda a
obra, acompañando o desenvolvemento da historia. As partes de
diálogo están remarcadas en grosa e algúns fragmentos destacados,
como nos que se quere destacar o ton de voz, en maiúsculas.
Potencialidades:
a lectura deste álbum permítenos traballar cuestións como a
importancia dos consellos dos adultos, as ordes e advertencias. Tamén
podemos traballar de forma transversal os medos, xa que os cabritos
lle teñen medo ao lobo e, sobre todo, a importancia de utilizar a
intelixencia como estratexia de sobrevivencia, como demostra o máis
pequeno dos cabritos. Esta versión dun conto clásico dos máis
populares e versionados é unha oportunidade de analizar algúns dos
valores universais, como a loita do ben contra o mal.
Por
último, en canto aos recursos,
podemos atopar unhas curtas de animación na páxina da Xunta e nun
blog:
Ningún comentario:
Publicar un comentario