O sorriso de Daniela

GIL, Carmen (2007). O sorriso de Daniela,ilust. Rebeca Luciani, trad. Manuela Rodríguez. Pontevedra: Kalandraka. [40pp.]. (ISBN: 978-84-8464-634-1).

Descrición do formato e contido:álbum ilustrado con texto de CarmenGil, ilustracións de RebecaLuciani e tradución de Manuela Rodríguez. A autora é profesora e escritora de libros infantís e tamén imparte charlassobre poesía e animación á lectura para pais e mestres/as. O álbum estáencadernado en cartoné cunhas dimensións de 21 x 28 cm e contén 40 páxinas. O libro esta dispoñible en galego, castelán, catalán e portugués. Tanto na cuberta e contracuberta podemos observar unha imaxecontinua, na que aparece un raposo sorrindo e a protagonista do conto enriba. O álbum está cheo de colores vivos e podemos ver os detalles das ilustracións en cada escena. A historia aparece repleta de figuras literarias alegres. Dende o punto de vista do contido, preséntase a Daniela que emprende un camiño co seu sorriso voador, que vai cruzándose con distintos seres, aos cales lles vai transmitir un sorriso. Os seus antagonistas sona hipopótama, o chimpancé, a elefanta, a avestruz e o chacal. Este deben cambiar o seu mal humor e carácter desagradable por una actitude positiva, ao que axudará unha boa dose de autoestima e tenrura.

Potencialidades: a lectura deste álbum permite traballar os estados de ánimo e a autoestima. É un relato cheo de alegría, tenrura e positivismo. A través deses elementos podemos ensinar ás nenas e nenos a importancia que ten ser felices e que nos queiramos tal como somos, aspecto fundamental que deben aprender dende as idades máis temperas. Do mesmo xeito, tamén é preciso reflexionar con eles sobre estes valores que nos ofrece o conto, xa que para o seu futuro é beneficioso. Por outra banda, podemos traballar as emocións para que aprendan a diferenciar unhas das outras e expliquen como se senten respecto a situacións ou vivencias.

Recursos educativos:

Páxina web da ilustradora Rebeca Luciani: https://www.rebecaluciani.es/la-sonrisa-de-daniela/ (consultado o 21/04/2020)

Canción inspirada no conto: https://www.youtube.com/watch?v=bLms93Wymq8 (consultado o 21/04/2020)