Una princesa de diferente color

LÓPEZ, S. y HERRERUELA, P. (2019). Una princesa de diferente color. España: Excellence Editorial, [28 pp.]. (ISBN: 978-84-120105-4-1).

Descrición do formato e contido: álbum ilustrado con tapas duras feitas de cartoné, consta de 28 páxinas e conta cun tamaño de 21x21 centímetros. Este conto é recomendado para idades a partir dos 3 anos. Na cuberta aparece unha nena, que é a protagonista e narradora da obra, vestida cun vestido rosa e cunha coroa encima do seu cabelo castaño, simulando un vestido de princesa, sobre un fondo azul celeste. Na contracuberta aparece a sinopse da obra sobre un fondo azul celeste igual ao da cuberta. Tanto a cuberta coma o título dannos información sobre o tema da obra. En canto ao contido da obra podemos apreciar que as ilustracións se cinguen a cada páxina individual, que son de estilo figurativo, con todo tipo de cores, aínda que a predominante é a cor rosa. Pódense destacar as expresións faciais dos personaxes, pero sobre todo da protagonista e do seu pai, que ademais, están presentes en todas as páxinas da obra.

O texto é sinxelo e con frases doadas para a comprensión do alumnado. Os roles de xénero compoñen o tema central da obra, na cal, segundo o pai da protagonista, todas as princesas teñen que vestir cun vestido rosa e ver filmes de príncipes encantadores, feito que a súa avoa nega. Polo tanto a protagonista cómpralle uns lentes “diferentes” ao seu pai e comeza a vela como realmente é. Así, a protagonista consegue vestir e facer o que máis lle gusta, como debería facer todo o mundo, independentemente do sexo de cada un.

Potencialidades: a lectura desta obra permite traballar cos nenos e nenas máis pequenos e pequenas os roles de xénero, para eliminar actitudes e estereotipos vinculados ao sexo, e que seguen vixentes na sociedade actual, sobre todo na vestimenta durante a infancia. Tamén se poden traballar outras temáticas como os xogos, as habilidades, as actividades de ocio, así como as profesións e as aspiracións de cada un ou o aspecto físico.

Recursos:

Aprenderconellos (2020). Una princesa de diferente color. Recuperado de: https://www.instagram.com/tv/B-wHsQ-pusr/?utm_source=ig_web_copy_link (consultado o 26/4/2020).