Unha feliz catástrofe

TURIN, Adela (2014). Unha feliz catástrofe, Ilus. Nella Bosnia. Pontevedra: Kalandraka Editora, [40pp.]. (ISBN: 978-84-8464-888-8).

Formato e contido da obra:

Este libro é un álbum ilustrado narrativo con texto de Adela Turin e ilustracións de Nella Bosnia. A súa encadernación é de cartón. A cuberta e a contracuberta presentan unha relación entre ambas xa que nos mostran a unha familia de ratos, os cales van enriba dunha mesa que está dada a volta e enfróntanse todos xuntos a un naufraxio. Na contracuberta ofrécese un breve texto orixe deste texto e o obxectivo de fomentar a coeducación e a igualdade entre homes e mulleres. As gardas tanto as comezo como as do fin son iguais, mostran a oito ratos todos colocados en fila uns detrás doutros, mentres que a portada acolle os mesmos datos cá cuberta, o título, o nome da autora e da ilustradora, así como a editorial, acompañados dunha imaxe de dúas ratiñas, unha está escribindo nunha libreta e a outra debuxando nun folio. A maior parte das ilustracións ocupan a dobre páxina. Son de carácter realista e mostran como era a vida desta familia de ratos e a catástrofe á que se tiveron que enfrontar.

O contido do libro xira ao redor dunha familia de ratos ós cales lles sucede unha catástrofe no tobo no que viven. O pai cando chega do traballo o único que desexa e tirar no sofá, ler o xornal tranquilo e escoitar e radio, mentres que a nai fai a cea durante toda a tarde xa que o seu marido tiña un padal refinado e sempre tiña algunha queixa que poñerlle. Un bo día un mar de auga entrou polo tobo, a nai rata é a que rescata a todos os seus fillos e agóchanse nun caixón que encontran. A nai mais ou seus fillos comezan a experimentar novas aventuras para descubrir un tobo para vivir e este cambio carrexa tamén un cambio nos roles familiares, pois a partir de entón o pai adopta unha actitude máis colaborativa no fogar.

A historia conta na maior parte do seu transcurso cun narrador heterodiexético, o cal vai situando ao lector nos diferentes escenarios do libro e tamén podemos atopar algún diálogo. Este álbum ilustrado foi traducido á lingua portuguesa co título de Uma feliz catástrofe, á lingua vasca co título de Zorioneko hondamendia, á lingua catalá co título de Una catàstrofe afortunada e á lingua castelá co título de Una feliz catástrofe pero o título orixinal deste álbum ilustrado é Una fortunata catastrofe.

Potencialidades educativas

A lectura deste álbum ilustrado nunha aula de educación infantil permite reflexionar sobre as situacións familiares que se poden chegar a vivir. Axuda a ensinarlles aos máis pequenos a importancia dos valores como son a coeducación e a igualdade de xénero entre os homes e as mulleres. Tamén axuda a que nenos e nenas entendan que a implicación familiar ten que ser equilibrada entre todos os membros que a conforman.

Recursos educativos

Adaptación del conto de Adela Turin, Una feliz catástrofe, ilustrado por los alumnos/as de 1º de primaria del CEIP Nosa Señora das Dores (Forcarey) - https://www.youtube.com/watch?v=YxgBdh6KRYo (consultado o 22/4/20)

Cuento corto para niños Una feliz catástrofe - https://www.youtube.com/watch?v=phKnXI01Dz0  (consultado o 22/4/20)