Estudio Carreiro (2015).
Os Bolechas van ao GAC Costa da Morte.
Ilustr. Pepe Carreiro. Vigo: Bolanda Edicións.
Descrición do formato e do contido: obra divulgativa de Pepe Carreiro que está
composta por una tapa rústica, cunhas dimensións de 21 x 15cm, onde na cuberta
vemos o título, o nome do ilustrador da obra e os propios personaxes que
estando dentro dunha barca ven como un percebeiro (curmán do seu amigo) está a
recoller percebes preto do faro do Rocundo en Corme. A cuberta e a contracuberta
están unidas por un fondo rosa, que no centro ten unha imaxe dos Bolechas nun
barco collendo un flotador do mar. Tamén se pode ler o resumo do conto, o
código que o identifica e por quen está patrocinado. No interior de ambas tapas
hai información interesante sobre os lugares que os Bolechas visitan durante a
historia. A portada ten unha cor rosada e nela aparecen novamente o título da
obra, o ilustrador e a maiores a editorial. No final da obra pódese ver un mapa
con todos os lugares que os rapaces visitaron durante a historia.
O contido que narra a obra céntrase nas vivencias
duns rapaces que visitan a Costa da Morte, mais concretamente ó GAC-3 que son os
Grupos de Acción Costeira que se encargan da pesca e do marisqueo e de todo
tipo de accións que teñan que ver co medio mariño na zona costeira da Coruña. Alí
pasan as vacacións na casa dun amigo e viven diferentes aventuras grazas ao seu
flotar novo e á familia do amigo que están a visitar, deste xeito percorren sitios
novos deste bonito lugar. O texto é simple e vistoso para poder lelo con
facilidade, as páxinas están ocupadas principalmente polas imaxes que son moi
expresivas e mostran con todo detalle o que lle vai sucedendo aos Bolechas e o
seu amigo Fidel.
Potencialidades: esta obra de carácter
informativo permite traballar aspectos como a familia, a amizade, os traballos
no mar e outros oficios, espazos naturais ou a contorna da zona territorial
recreada no volume.
Recursos:
Os
Bolechas teñen unha paxina web onde encontrar os seus contos e toda a
información sobre eles. Recuperada de https://osbolechas.gal/universo.php (consultada
o 13/04/2020).
Encántanme os contos dos Bolechas, cando era pequena tiña un monton deles! Parecenme un recurso moi interesante para traballar cos nenos e nenas de Educación Infantil, porque traballan moito coa nosa terra, Galicia: con festas tradicionais, con paisaxes galegas, con oficios característicos da zona, etc. E é interesante que as nenas e nenos dende ben pequenos/as coñezan a nosa terra e todo o relacionado con ela a través destes contos.
ResponderEliminar