Distinta

Sozapato & B. Valencia (2019). Distinta. Pontevedra: Kalandraka Editora.

Descrición do formato e contido: álbum ilustrado con texto de Beto Valencia e imaxes de Sozapato. De formato cadrado, de fácil manexo para os/as usuario/as e tapa dura, na cuberta predominan as grandes dimensións dos debuxos como a ilustración da protagonista do conto e destacan as cores vivas. Ademais, tamén aparece o nome do escritor, da ilustradora e da editorial. Na contracuberta atópase o nome da colección á que pertence o conto, o ISBN, o código de barras e páxina web da editorial. No interior, as ilustración presentan un claro contraste entre as que reflicten a sociedade, nas que abundan e sobresaen as cores escuras que transmiten tensión e tristeza, pola contra cando aparece Lúa, a protagonista, as páxinas énchense de alegría. En todas as páxinas prevalecen as imaxes figurativas fronte ao texto. 

 O contido de Distinta xira ao redor da historia de Lúa, unha nena que desfruta e valora cousas pequenas e insignificantes para o resto da sociedade. A positividade, as ganas de vivir e a enerxía dela loitan fronte ás rutinas, a negatividade, o mal humor e as desganas dos adultos. Este conto presenta dúas perspectivas e maneiras de ver a vida a afrontar o día a día. Todo isto fai que Lúa se sinta diferente. A historia é narrada en terceira persoa.

Potencialidades: 

A través deste conto podemos traballar o valor do autoconcepto e tamén da autoestima desde unha perspectiva positiva. Aplicar estes valores na aula axuda aos nenos e nenas a ter máis autonomía, independencia, seguridade ante posibles problemas ou conflitos, coñecer as fortalezas e debilidades dun/ha mesmo/a. Ademais outro aspecto fundamental que se traballa con esta obra é fomentar a visión positiva fronte á vida, aos problemas, ás diferentes situacións, poder ver as cousas dunha maneira global e obxectiva.

Recursos:

Oliver, J. (2019). Distinta’ para disfrutar de nuestras diferencias, en https://papelenblanco.com/distinta-para-disfrutar-de-nuestras-diferencias-78c8e9246076 (consultado o 25 de marzo de 2020). 

Recensión no Blog Apego y literatura en http://apegoyliteratura.es/resena-distinta/